ԵՐԵՎԱՆ, 7 հոկտեմբերի– Sputnik. Ֆրանսիացի դերասան Ժերար Դեպարդիեն խոստովանել է, որ ուրախ է Ռուսաստանի քաղաքացի լինելու համար։ Այդ մասին նա հայտարարել է հոկտեմբերի 7-ին Մոսկվայում կազմակերպված ասուլիսի ժամանակ։ Դերասանն ավելացրել է, որ երազում է տուն գնել Մոսկվայում և ապրել Սիբիրում կամ փոքրիկ մի տուն գնել Բայկալի ափին։
«Ես պաշտում եմ իմ ռուսական անձնագիրը, ներքուստ ինչ–որ չափով ինձ ռուս եմ զգում»,– ասել է Դեպարդիեն։
Միաժամանակ դերասանն ընդգծել է, որ երբեք չի ցանկացել ԱՄՆ–ի քաղաքացի դառնալ։ Նրա խոսքով` ամերիկյան մշակույթն ագրեսիվ է, իսկ հոլիվուդյան ֆիլմերն իր ճաշակով չեն։ «Եթե եվրոպացիները դադարեն լսել ամերիկացիներին, ամեն ինչ ավելի լավ կլինի»,– ասել է Դեպարդիեն։
2013 թվականին Դեպարդիեն Ռուսաստանի քաղաքացիություն է ստացել այն բանից հետո, երբ իր դժգոհությունն է հայտնել ֆրանսիական կառավարությունից` հարուստներից շքեղության հարկ գանձելու առաջարկի համար։
Դերասանն ավելի քան 25 տարի է` զբաղվում է գինեգործությամբ։ Նա խաղողի բազմաթիվ այգիներ ունի Ֆրանսիայում (Անժու, Բուրգունդիա, Մեդոկ գինեգործության շրջաններում), Մարոկկոյում, Իսպանիայում, Արգենտինայում, Իտալիայում և Ալժիրում։ Նա մի քանի ռեստորան ու առանձնատուն ունի Ֆրանսիայում։
2013 թվականին Դեպարդիեն Ռուսաստանի քաղաքացիություն է ստացել այն բանից հետո, երբ իր դժգոհությունն է հայտնել ֆրանսիական կառավարությունից` հարուստներից շքեղության հարկ գանձելու առաջարկի համար։
Դերասանն ավելի քան 25 տարի է` զբաղվում է գինեգործությամբ։ Նա խաղողի բազմաթիվ այգիներ ունի Ֆրանսիայում (Անժու, Բուրգունդիա, Մեդոկ գինեգործության շրջաններում), Մարոկկոյում, Իսպանիայում, Արգենտինայում, Իտալիայում և Ալժիրում։ Նա մի քանի ռեստորան ու առանձնատուն ունի Ֆրանսիայում։
