ԵՐԵԱՆ, 5 հունվարի – Sputnik. Հունվարի 4-ին ստացվել են մեծ քանակությամբ ահազանգեր Գորիս-Սիսիան ավտոճանապարհին արգելափակված ավտոմեքենաների վերաբերյալ. անհրաժեշտ է փրկարարների օգնությունը:
ՏԿԱԻՆ-ի տարածած հաղորդագրության մեջ նշված է, որ դեպքի վայր է մեկնել երեք մարտական հաշվարկ:
07.45-ի դրությամբ հրշեջ-փրկարարները արգելափակումից դուրս են բերել մոտ 70 ավտոմեքենա (մոտ 210 ուղևոր):
10 քաղաքացի տեղափոխվել է թիվ 57 ՀՓՋ, իսկ 34 քաղաքացի՝ թիվ 55 ՀՓՋ:
Նախարարությունը նաև մանրամասն ներկայացնում է, թե հանրապետության տարբեր տարածքներում քանի մեքենա է արգելափակվել ձյան մեջ: Հունվարի 5-ին նման դեպքեր են գրանցվել Կոտայքի, Շիրակի, Գեղարքունիքի մարզերում, Երևանում:
