ԵՐԵՎԱՆ, 1 փետրվարի- Sputnik. Ռուսաստանի բանկային համակարգով Հայաստան առաքվող մասնավոր փոխանցումների ծավալը 2015թ.-ին նվազել է 36 տոկոսով և կազմել շուրջ 915, միլիոն դոլար։ Նման տվյալներ են ներկայացված Հայաստանի Կենտրոնական բանկի կայքում։
Նվազեցման միտում է նկատվել 2014թ.-ին, երբ Ռուսաստանից դրամական փոխանցումների ծավալը կրճատվել է 10,7 տոկոսով։
Փոխանցումների կտրուկ անկում է գրանցվել 2009թ.-ին։ Այդ ժամանակ դրամական փոխանցումների ծավալը կրճատվել է 34 տոկոսով։
Վիճակագրության համաձայն` Ռուսաստանը դրամական փոխանցումների քանակով եղել և մնում է առաջին երկիրը։ Ռուսաստանի փոխանցումների ծավալի անկումը զգալի ազդում է երկրի սոցիալ-տնտեսական իրավիճակի վրա։
