ԵՐԵՎԱՆ, 5 փետրվարի- Sputnik. Ճապոնիայի հարավում` Կահոսիմա նահանգում, սկսվել է Սակուրաձիմա հրաբխի ժայթքումը, հայտնում է ՌԻԱ Նովոստին` հղում անելով NHK հեռուստաընկերությանը։
Ռոյթերս գործակալության տվյալով` հրաբխից 50 կմ հեռավորության վրա գտնվում է «Սենդայ» ատոմային էլեկտրակայանը։
Հեռուստաընկերությունը նշում է, որ հրաբխի ժայթքումը սկսվել է չորեքշաբթի տեղի ժամանակով 18։56-ին (Երևանի ժամանակով` 13։56)։ Երկրի օդերևութաբանական ծառայությունը սահմանել է վտանգի երրորդ մակարդակ (չմոտենալ հրաբխին)։
Եթերում ցուցադրված տեսանյութի կադրերում երևում են լավայի և մոխրի արտանետումներ Սակուրաձիմայի ստորոտին։ Մոխրի ամպերում կրակներ են բոցկլտում։
Այս տարվա սեպտեմբերից Սակուրաձիմա հրաբուխը Ճապոնիայում ամենաակտիվ հրաբուխներից է, արտանետած ծխի և մոխրի սյան բարձրությունը հասել է 700 մետրի։
