ԵՐԵՎԱՆ, 25 մարտի — Sputnik. Դյուսելդորֆում ձերբակալել են Բրյուսելի ահաբեկչությունների մեջ կասկածվող անձանց, հայտնում է ՌԻԱ Նովոստին` հղում անելով Spiegel պարբերականին։
Թերթի տվյալով` ձերբակալված տղամարդկանցից մեկի` Զամիր Ե.-ի հեռախոսում «կասկածելի հաղորդագրություն են» գտել։ Հաղորդագրության բովանդակության մասին չի նշվում։
Մարտի 22-ին Բրյուսել միջազգային օդանավակայանում երկու պայթյուն է որոտացել։ Երրորդ պայթյունը գրանցվել է «Մալբեկ» մետրոյի կայարանում։ Պայթյունների հետևանքով մահացել է 31 մարդ, ևս 316-ը տարբեր աստիճանի վնասվածքներ են ստացել։ Ահաբեկչության պատասխանատվությունը ստանձնել է «Իսլամական պետություն» ահաբեկչական խմբավորումը։
