ԵՐԵՎԱՆ, 30 մարտի- Sputnik. Հայաստանի հավաքականի և թուրքական «Բեշիկթաշի» կիսապաշտպան Արաս Օզբիլիսը, որը հանդես է գալիս նաև իսպանական «Ռայո Վալեկանոյում», կորցրել է իր ուղեբեռը Երևանից Մադրիդ ուղևորվելու ժամանակ, ինչի մասին գրել է Instagram-ի իր էջում։
«Ես Մադրիդի ճանապարհին վայրէջք եմ կատարել Մոսկվայում։ Երբ ժամանեցի Իսպանիա, ինձ ասացին, որ ուղեբեռս ժամանակին չի հասել։ Մադրիդի օդանավակայանում հայտնեցին, որ այն կառաքվի իմ տուն հաջորդ օրը։ Կիրակի օրը (հաջորդ օրը) վարորդը բերեց մի ուղեբեռ, որն իմը չէր»,- գրում է Օզբիլիսը։
Ֆուտբոլիստն ուղեբեռն ուղարկել է օդանավակայան, և արդեն երեք օր է` սպասում է իր ուղեբեռին։ Ֆուտբոլիստը խնդրում է տարածել իր գրությունը, որպեսզի օգնեն գտնել իրերը։
«Ես այնտեղ շատ կարևոր անձնական իրեր ունեմ։ Խնդրում եմ, օգնեք գտնել ուղեբեռս»,- գրել է կիսապաշտպանը։
