ԵՐԵՎԱՆ, 24 մայիսի — Spunik. Վերակառուցման և զարգացման եվրոպական բանկը Հայաստանին 23 միլիոն դոլար վարկ կտրամադրի` Գյումրի քաղաքի բարեկարգման համար, լրագրողներին ասաց տարածքային կառավարման և զարգացման նախարար Դավիթ Լոքյանը։
«Մենք պետք է հսկենք, որ այդ վարկային միջոցներն արդյունավետ ծախսվեն։ Վարկային ծրագիրը մոտ ծանակներս կմտնի Սահմանադրական դատարան և Ազգային ժողով»,- ասաց Լոքյանը։
Նրա խոսքով` հիմնականում միջոցները կուղղվեն փողոցների ասֆալտապատմանը, մայթերի և կանգառների բարեկարգմանն ու քաղաքի փողոցների լուսավորությանը
Դրանից հետո առանձին ռեսուրսներ կհատկացվեն քաղաքում զբոսաշրջային ոլորտի զարգացմանը։
Լոքյանը նշեց, որ վարկի շրջանակում կբարեկարգվի Գյումրու 10 փողոց։
