ԵՐԵՎԱՆ, 6 հունիսի — Sputnik. Բրիտանացի տիեզերագնաց Թիմոթի Փիքը տիեզերքից լուսանկարել է Սևանա լիճը և լուսանկարը տեղադրել Թվիթերի իր միկրոբլոգում։
«Գեղեցիկ են լեռները Սևանա լճի շուրջ»,- գրել է նա լուսանկարի մոտ:
Beautiful mountains around Lake Sevan, #Armenia https://t.co/wRmWA8XT4w pic.twitter.com/hDOcntFRUT
— Tim Peake (@astro_timpeake) 4 июня 2016 г.
Լուսանկարում երևում են Սևանա լիճը և Գեղամա լեռները, լուսանկարը հրապարակվել է հունիսի 4-ին, հավաքել է 3552 լայք, նկարով կիսվել են 1251 անգամ։
Փիքն այժմ տիեզերքում է` Միջազգային տիեզերական կայանի տիեզերագնացների արշավախմբի կազմում և հրապարակում է Երկիր մոլորակի ծովերի, կղզիների ու երկրների լուսանկարները, որոնց վրայով անցնում է տիեզերանավը։ Փիքը տուն կվերադառնա հունիսի 18-ին՝ ուղեծրում 6 ամիս աշխատելուց հետո:
