ԵՐԵՎԱՆ, 20 հուլիսի — Sputnik. ՀՀ փոխոստիկանապետ Սամվել Հովհաննիսյանը հայտնեց, որ ցուցարարների հետ բախման հետևանքով շատ ոստիկաններ են տուժել։
Լրագրողների այն հարցին, թե արդյո՞ք իրավապահների շարքում կան վիրավորներ, Հովհաննիսյանն ասաց` շատ` չնշելով քանակը։
Ոստիկանությունը արցունքաբեր գազ և ծխային նռնակներ կիրառեց այն բանից հետո, երբ ցուցարարները նրանց ուղղությամբ սկսեցին քարեր և այլ առարկաներ նետել։
Ներկա պահին ոստիկանությունը վերահսկում է իրավիճակը։ Կան վիրավորներ երկու կողմից էլ։ Վիրավորներին տեղափոխել են «Շտապօգնության» ավտոմեքենաներով։
Բախումը տեղի ունեցավ այն բանից հետո, երբ ցուցարարները ցանկացան սնունդ փոխանցել պատանդներին և զինված խմբավորման անդամներին։ ՀՀ ԱԺ պատգամավոր Նիկոլ Փաշինյանն այս հարցով դիմել էր ոստիկանապետ Աշոտ Կարապետյանին, ով խոստացել էր քննարկել հարցն ու միանգամից պատասխան տալ։ Սակայն ցուցարարները պահանջեցին արագ պատասխան ու սկսեցին քարեր նետել ոստիկանների ուղղությամբ։
