ԵՐԵՎԱՆ, 31 հուլիսի — Sputnik. Ոստիկանության ներկայացրած տեսանյութում երևում է, թե ինչպես են խմբի անդամները հերթով հանձնվում:
Ավելի վաղ ՀՀ Ազգային անվտանգության ծառայությունը հայտարարել էր, որ սույն թվականի հուլիսի 30-ին և 31-ին ՀՀ Ոստիկանության պարեկապահակային ծառայության (ՊՊԾ) գնդի տարածքի ազատագրմանն ուղղված հակաահաբեկչական օպերացիան ավարտվել է:
ՀՀ իրավասու իրավապահ մարմինների հատուկ նշանակության ստորաբաժանումներն իրենց հետևողական և համաձայնեցված գործողություններով ստիպել են զինված խմբի անդամներին վայր դնել զենքը և հանձնվել իշխանություններին:
Ձերբակալվել է 20 ահաբեկիչ: ՊՊԾ գնդի տարածքն ամբողջությամբ ազատագրված է:
