ԵՐԵՎԱՆ, 27 օգոստոսի — Sputnik. «Աերոֆլոտ» ընկերության դուստր ընկերություններից մեկը՝ ռուսական «Պոբեդա» լոուքոսթերը, կանոնավոր ավիափոխադրումներ կիրականացնի դեպի Երևան և Բաքու, հաղորդում է Ռոսավիացիան:
««Պոբեդա» ավիաընկերությունը ուղևորների, բեռների, ուղեբեռի և փոստի կանոնավոր փոխադրող է նշանակվում, ուղղութունը՝ Դոնի Ռոստով-Երևան-Դոնի Ռոստով: Չվերթերը կիրականացվեն շաբաթական երեք անգամ»,- ասվում է հաղորդագրությունում:
Ընկերությունը նաև ուղևորների, բեռների, ուղեբեռի և փոստի կանոնավոր փոխադրող է նշանակվել Դոնի Ռոստով-Բաքու-Դոնի Ռոստով ուղղությամբ (շաբաթական չորս անգամ):
«Պոբեդա» ավիաընկերությունը հիմնվել է 2014թ.-ի սեպտեմբերին «Դոբրոլյոտ» փոխադրողի փոխարեն, որը նույն տարվա աշնանը դադարեցրել է թռիչքները Եվրամիության պատժամիջոցների ցուցակում հայտնվելուց հետո: «Պոբեդան» գործում է Մոսկվայի Վնուկովո օդանավակայանում։
