ԵՐԵՎԱՆ, 9 հոկտեմբերի — Sputnik. Հայաստանում հոկտեմբերի 13-17-ը կկայանա ճապոնական կինոյի 11-րդ փառատոնը: Այն կընթանա Երևանում, Վանաձորում և Էջմիածնում:
Փառատոնը կազմակերպել են Հայաստանում Ճապոնիայի դեսպանատունն ու «Հիկարի» հայ-ճապոնական կենտրոնը:
Փառատոնի բացումը կկայանա սեպտեմբերի 13-ին Երևանի «Մոսկվա» կինոթատրոնում: Փառատոնի մեկնարկը կտա ռեժիսոր Ակիհիտո Շիոտայի «Ես պարզապես ուզում եմ քեզ գրկել» ֆիլմը:
«Մոսկվա» կինոթատրոնում փառատոնի շրջանակներում կցուցադրվեն հետևյալ ֆիլմերը՝ «Կարաոկե պարող տղան» (հոկտեմբերի 14), «Հրաշալի աշխարհի վերջը», «Կյանքի բանալին» (հոկտեմբերի 15), «Էնոշիմայի պրիզման», «Սեր սկսնակների համար» (հոկտեմբերի 16):
Վանաձորում հոկտեմբերի 15-ին կցուցադրվեն «Կարաոկե պարող տղան» և Waterboys ֆիլմերը, իսկ Էջմիածնում հոկտեմբերի 17-ին կցուցադրվի «Հայրենիք» ժապավենը:
