ԵՐԵՎԱՆ, 7 դեկտեմբերի — Sputnik. Ընտրություններից հետո գազի և էլեկտրաէներգիայի գները չեն բարձրանա: Այսօր ԱԺ-ում, պատասխանելով պատգամավոր Նիկոլ Փաշինյանի հարցին, հայտարարեց վարչապետ Կարեն Կարապետյանը: Նա նաև հավելեց, որ դրա դիմաց Հայաստանը որևէ ռազմավարական օբյեկտով Ռուսաստանին վարձահատույց չի լինի:
Նիկոլ Փաշինյանի երկրորդ հարցը` ՀՀ կառավարությունում «ամերիկանո» սուրճը «ռուսիանո» վերանվանելու մասին, մնաց անպատասխան, քանի որ այն արդեն պատգամավորի հնչեցրած երկրորդ հարցն էր, որին, ըստ ԱԺ կանոնակարգի, վարչապետն իրավունք ուներ չպատասխանել: Ի դեպ, այդ հարցից հետո պատգամավոր Տիգրան Ուրիխանյանն առաջարկեց ոչ թե «ռուսիանո», այլ «արմենիանո» վերանվանել սուրճը:
Նշենք, որ ըստ մամուլի հրապարակումների` «ամերիկանո» սուրճը «ռուսիանո» վերանվանելու մասին առաջարկը Ռուսաստանում հնչեցրել էր Կարեն Կարապետյանը: ՌԴ-ում այդ առաջարկը բավական ջերմ էր ընդունվել: Դրանից անմիջապես հետո ռուսաստանյան շատ սրճարանների ճաշացանկերում սուրճը վերանվանվել էր:
