ԵՐԵՎԱՆ, 11 փետրվարի — Sputnik. Հայաստանի իշխանություններին է դիմել Շահին Միրզոևը՝ խնդրելով իրեն տրամադրել ժամանակավոր ապաստան:
Շահին Միրզոևը Թալիշական մշակույթի խորհրդի անդամ է, Թալիշական ազատագրական շարժման մասնակից, «Թոլիշի Սադո» թերթի թղթակից, ստիպված է եղել փախչել Ադրբեջանից՝ ազգային և կրոնական փոքրամասնությունների հանդեպ բռնաճնշումների ու նրանց իրավունքների կոպտագույն ոտնահարումների պատճառով, և ընտանիքով ժամանել Հայաստան։ Այս մասին տեղեկեցրել է ՀՀ ԱԳՆ մամուլի ծառայությունը:
Հայաստանի իշխանությունները դրական են արձագանքել Շահին Միրզոևի խնդրանքին։
