ԵՐԵՎԱՆ, 16 ապրիլի — Sputnik. Հիսուս Քրիստոսի հրաշափառ Հարության տոնի առթիվ Մայր Աթոռ Սուրբ Էջմիածնում՝ Մայր Տաճարում այսօր` ապրիլի 16-ին, մատուցվեց Սուրբ Պատարագ՝ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի կողմից:
Պատարագին ներկա էին ՀՀ նախագահ Սերժ Սարգսյանը, առաջին տիկին Ռիտա Սարգսյանը, Արցախի նախագահ Բակո Սահակյանը, Ազգային ժողովի նախագահ Գալուստ Սահակյանը, Պաշտպանության նախարար Վիգեն Սարգսյանը, այլ նախարարներ:
Պատարագի սրբազան արարողությունը սկսվեց Հայրապետական խաչվառազարդ շքեղ թափորով, ապա Սուրբ Պատարագի ընթացքում կաթողիկոսն իր հայրապետական պատգամը հղեց Հիսուս Քրիստոսի հրաշափառ Ս. Հարության տոնի առիթով:
Սուրբ Պատարագի ժամանակ կատարվեց նաև հաղորդություն, որի ավարտին Վեհափառ Հայրապետն օրհնեց ժողովրդի, Աստծու բոլոր ժառանգորդներին:
Հայրապետական սուրբ Պատարագն ավարտից հետո մեկնարկեց տոնական համերգ Հայորդաց տան սաների կատարմամբ։
