ԵՐԵՎԱՆ, 16 ապրիլի — Sputnik. Հրուշակագործ Միլանա Մելքումովան հաղթեց ռուսական նախագծում, որը կոչվում է «ТилиТелеТесто»:
Նախագծում մրցում էին տասը ոչ պրոֆեսիոնալ հացթուխներ: Մրցույթի մասնակիցները ստիպված էին բազում փորձություններ հաղթահարել՝ շոու բիզնեսի աստղերի և հայտնի մարդկանց օգնությամբ:
Միլանա Մելքումովան և չորս այլ մասնակիցներ անցան եզրափակիչ փուլ: Հնդկահավի մսով կարկանդակը, շաֆրանով կուլիչը, հաղարջով ու գազարով աերկհարկանի տորթը գերեցին ժյուրիին: Ռուսաստանի խոհարարական արվեստի չեմպիոն Ռենատա Ագզամովային և Ռուսաստանի ռեստորանների ու հյուրանոցների սեփականատերերի ֆեդերացիայի նախագահ Իգոր Բուխարովին շատ դուր եկավ Միլանայի պատրաստած թխվածքը:
Միլանային հանձնեցին մրցանակը՝ պրոֆեսիոնալ ջեռոցը:
«ТилиТелеТесто» նախագիծը մեկնարկել էր մարտին: Ծրագրի պարտադիր պայմանն այն էր, որ մասնակիցները պետք է պրոֆեսիոնալներ չլինեն:
