Չեխիան արևմտյան կողմնորոշում ունեցող երկիր է և զգուշավորություն է ցուցաբերում կարևոր որոշումներ ընդունելիս, ասաց «Ուրարտու» հայ-չեխական ընկերության նախագահ Ալեքսանդր Սարգսյանը։
Ըստ նրա՝ ապրիլի 25-ի երեկոյան Հայոց ցեղասպանությունը դատապարտող թիվ 414 բանաձևի ընդունման որոշումը կայացվել է մանրամասն ուսումնասիրություններից, ներկայացված փաստերը համադրելուց հետո։
Ալեքսանդր Սարգսյանն ասաց, որ տարիների աշխատանքն է հանգեցրել դրան՝ Չեխիայում գործող Հայաստանի դեսպանատան, տեղի հայկական եկեղեցու և չեխ բարեկամների շնորհիվ։
Նա նաև նշեց, որ Պրահայում մի վայր կա, որը համակենտրոնացման ճամբար է եղել, որտեղ խոշտանգել են մարդկանց։ Այդտեղ կառուցվելու է Ցեղասպանության ինստիտուտ, որի բացման արարողությանը կմասնակցի նաև հայկական համայնքն՝ ի դեմս Ուրարտու» հայ-չեխական ընկերության նախագահ Ալեքսանդր Սարգսյանի։
Զրույցը վարեց Աննա Վարդանյանը։ Ամբողջական տարբերակը կարող եք ունկնդրել Sputnik Արմենիա ռադիոկայանի եթերում (FM106):
