ԵՐԵՎԱՆ, 30 ապրիլի — Sputnik. Պետական ակադեմիական կապելայում մայիսի 2-ին տեղի կունենա ջազ երաժիշտ, ժամանակակից հայ կոմպոզիտոր և դաշնակահար Տիգրան Համասյանի համերգը: Այս մասին գրում է Ֆոնտանկան:
Երաժիշտը Պետերբուրգում կներկայացնի իր նոր An Ancient Observer ալբոմը: Մի շարք երաժշտական մրցանակների արժանացած Համասյանը, ВВС Radio-ի վարկածով, ձայնագրել է այս տարվա ամենասպասված ալբոմը: Նրա ստեղծագործության մեջ զգացվում է հայկական բանահյուսության, ամերիկյան ջազի և պրոգրեսիվ ռոքի ազդեցությունը:
Անցյալ տարի երաժիշտը ճանաչվեց տարվա լավագույն գործիքավորող և իր Mockkroot-ի համար արժանացավ Echo Jazz 2016 Awards մրցանակի: Բացի այդ, 2001 թվականի նրա առաջին A Fable ալբոմը դարձավ Victoires de la musique-ի հաղթող:
Համասյանի նոր ալբոմը «երաժշտական ընկալումն է այն աշխարհի, որում մենք ապրում ենք, և այն ամբողջ պատմությունը, որը մենք կրում ենք մեր մեջ»: Որոշ ստեղծագործություններ հիմնված են հայկական մեղեդիների վրա, մի մասն ազատ իմպրովիզի արդյունք է, ընդհանրապես այդ երաժշտության մեջ տարբեր ոճեր կան` բարոկկոյից մինչև հիփ-հոփ:
