ԵՐԵՎԱՆ, 12 մայիսի — Sputnik. «ԵԼՔ» դաշինքի քաղաքապետի թեկնածու Նիկոլ Փաշինյանն այսօր ժամը 9:55 րոպեին սեփական նախաձեռնությամբ եկել էր Հանրային հեռուստատեսություն: Նա մուտքի մոտ սպասում էր քաղաքապետի մյուս թեկնածուներին, հատկապես՝ ՀՀԿ թեկնածու Տարոն Մարգարյանին՝ բանավեճ ունենալու համար:
Ֆեյսբուքյան իր էջում տեղադրած տեսաձայնագրության մեջ «ԵԼՔ»-ի թեկնածում ասում է, որ իրենց դաշինքը պաշտպանում է ընտրարշավի ընթացքում բանավեճն օրենքի պարտադիր պայման դարձնելը:
«Շատ հարցեր ունեմ Տարոն Մարգարյանին: Ես պարզաբանումներ պիտի պահանջեմ Տարոն Մարգարյանից մի շարք հարցերի համար»,-ասում է Նիկոլ Փաշինանը:
Վերջում նա արձանագրում է, որ Երևանի քաղաքապետի թեկնածուների բանավեճը չի կայանում նրանց՝ բանավեճի ցանկություն չունենալու պատճառով:
