ԵՐԵՎԱՆ, 15 մայիսի-Sputnik. Հայաստանի Հանրապետության Արժույթի միջազգային հիմնադրամին և Համաշխարհային բանկին անդամակցելու հոբելյանի առթիվ ՀՀ կենտրոնական բանկը շրջանառության մեջ է դրել 1000 դրամ անվանական արժեքով արծաթե հուշադրամ:
Հուշադրամի դիմերեսին ՀՀ զինանշանն է և «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ», «REPUBLIC OF ARMENIA», «2017», «1000 ԴՐԱՄ» մակագրությունները:
Հուշադրամի դարձերեսին պատկերված են Արժույթի միջազգային հիմնադրամի և Համաշխարհային բանկի տարբերանշանները՝ Հայաստանի Հանրապետության անդամակցության 25-ամյա հոբելյանի նշումով:
Ստորին և վերին շրջագծերով «ՀԱՅԱՍՏԱՆԻ ԱՆԴԱՄԱԿՑՈՒԹՅԱՆ ՀՈԲԵԼՅԱՆ», «ARMENIA'S MEMBERSHIP ANNIVERSARY» հայերեն և անգլերեն մակագրություններն են: Մետաղը և հարգը՝ արծաթ. 9250, քաշը ՝ 33,6 գ է, տրամագիծը՝ 40 մմ, որակը ՝ պրուֆ, դրամաշուրթը՝ ատամնավոր։ Անվանական արժեքով արծաթե հուշադրամը թողարկվել է 300 օրինակով։