ԵՐԵՎԱՆ, 25 հուլիսի — Sputnik. Կենտրոն և Նորք Մարաշ վարչական շրջանների ընդհանուր իրավասության դատարանում այսօր հրապարակվել է «Անալիտիկ» լրատվական կայքի տնօրեն Անի Հովհաննիսյանի դատավճիռը: Նա դատապարտվել է 1,5 տարվա ազատազրկման:
Դատարանը Անի Հովհաննիսյանին մեղավոր ճանաչեց պատգամավոր Տիգրան Ուրիխանյանի և նրա կնոջ մասին արատավորող տեղեկություններ չտարածելու սպառնալիքով նրանից գումար շորթելու մասով, ՎՏԲ բանկից շորթման համար Անի Հովհաննիսյանն անմեղ ճանաչվեց։
Հիշեցնենք, որ Անի Հովհաննիսյանին մեղադրանք էր առաջադրվել ՀՀ քրեական օրենսգրքի 182-րդ հոդվածի 1-ին մասով և 182-րդ հոդվածի 2-րդ մասի 3.1 կետով: Նրա նկատմամբ որպես խափանման միջոց կիրառվել է կալանավորումը:
Անի Հովհաննիսյանը կալանավորվել է 2016 թվականի մայիսի 3-ին: Ըստ դատավճռի նա ազատ կարձակվի 3 ամսից:
