ԵՐԵՎԱՆ, 27 հուլիսի — Sputnik. Պոլսահայ այլախոհ մտավորական Սևան Նշանյանը Հունաստանում կեցության արտոնագիր ստացել։ Այս մասին թուրքահայ մտավորականը գրառում է կատարել իր ֆեսբուքյան էջում:
Նշանյանը մանրամասնել է, որ դիմել է Աթենքի իշխանություններին`քաղաքական ապաստանի խնդրանքով ու դրական պատասխան է ստացել:
Հիշեցնենք, որ Թուրքիայում 17 տարվա ազատազրկման ենթարկված Սևան Նշանյանը 3,5 տարի Թուրքիայի տարբեր բանտերում մնալուց հետո այս տարվա հուլիսի 15–ին կարողացել էր փախչել Իզմիրի Ֆուջայի բանտից:
