Արայիկ Պապիկյան
Սեպտեմբերի 1-ից «Սասնա ծռերի» փաստաբանները դատական նիստերին չեն ներկայանա։ Նրանք որոշել են գործադուլ անել` այդ կերպ իրենց բողոքն արտահայտելով դատարաններում իրենց նկատմամբ իրականացվող խուզարկության դեմ։
«Սասնա ծռեր» խմբի անդամ Արայիկ Խանդոյանի փաստաբան Արայիկ Պապիկյանը Sputnik Արմենիայի հետ զրույցում, մեկնաբանելով դատական նիստերից բացակայելու իրենց որոշումը, վստահեցրեց, որ իրենց պաշտպանյալների շահերին դա չի վնասի։
«Եթե որևէ մեկին անհրաժեշտ կլինի իր պաշտպանի ներկայությունը, տվյալ փաստաբանը կներկայանա դատական նիստին»,- ասաց Պապիկյանը։
Գործադուլ անելու մտքին հավանություն է տվել 50 փաստաբան։ Կազմակերպիչները չեն բացառում, որ նրանց թիվը մինչև սեպտեմբեր կավելանա։
