ԵՐԵՎԱՆ, 29 սեպտեմբերի — Sputnik. Էջմիածնի 42-ամյա բնակիչ Գյուլիզար Գ.–ն ոստիկանություն է դիմել իր երեխային առևանգելու մասին հայտարարությամբ։ Այս տեղեկությունը Sputnik Արմենիայի համար հաստատել են ոստիկանությունից։
Դիմումի մեջ նա մեղադրել է իր ծանոթներին, որ նրանք ապրիլին գողացել են իր մեկ ամսական երեխային։
Ինչպես գրում են որոշ հայկական ԶԼՄ–ներ, մայրը վաճառել է երեխային։ Նույնիսկ գումարն է նշվում` 50 հազար դրամ։
Ոստիկանության մամուլի ծառայությունում Sputnik Արմենիային հայտնեցին, որ պարզում են կատարվածի պատճառներն ու հանգամանքները։
