ԵՐԵՎԱՆ, 7 հոկտեմբերի — Sputnik. Հայաստանի «Բաղրամյան» զորավարժարանում ավարտվեց «Որոնում-2017» ՀԱՊԿ զորավարժությունների երկրորդ փուլը:
«Ստորաբաժանումների պրակտիկ գործողությունների ընթացքում մշակվեց հավաքական անվտանգության Կովկասի տարածաշրջանում հետախուզության բոլոր հնարավոր ձևերի կիրառումը»,- լրագրողներին ասաց ՀԱՊԿ միացյալ շտաբի պետ, գեներալ-գնդապետ Անատոլի Սիդորովը:
Նրա խոսքով` զորավարժություններին մասնակցող անձնակազմը բարձր վարպետություն ցուցադրեց: Զորավարժարանում մասնակիցների մրցման տարրը դրական ազդեց զորավարժությունների արդյունքի վրա:
Սիդորովը նշեց, որ հաջողվեց կառավարման ոլորտի լուրջ խնդիրներ լուծել:
«Զորավարժությունները մեզ հարուստ փորձ տվեցին: Դրանք նպաստեցին ՀԱՊԿ անդամ-երկրների զինվորականների միջև բարեկամության, փոխօգնության և վստահության ամրապնդմանը»,- ասաց Սիդորովը:
Հոկտեմբերի 7-ին ավարտվեցին Ռուսաստանի և Հայաստանի զորավարժարաններում անցկացվող ՀԱՊԿ անդամ-պետությունների ԶՈՒ հետախուզական ստորաբաժանումների ուժերի և միջոցների «Որոնում-2017» հատուկ մարտավարական զորավարժությունները:
«Որոնում-2017» զորավարժությունը «Մարտական եղբայրություն 2017» օպերատիվ ռազմավարական զորավարժությունների շրջանակում ռազմական հակամարտության լուծման փուլի երեք միջոցառումներից մեկն է:
Զորավարժությունների ընթացքում մշակվեցին ՀԱՊԿ անդամ-պետությունների ԶՈՒ կառավարման մարմինների և հետախուզության ստորաբաժանումների համատեղ գործողությունները:
Ձևավորվեց հետախուզության կառավարման համատեղ վայր, ինչպես նաև կազմակերպվեց նրա աշխատանքը, ծրագրվեց հավաքական անվտանգության Կովկասյան տարածաշրջանում իրավիճակի սրման պայմաններում ՀԱՊԿ անդամ-պետությունների ԶՈՒ հետախուզության ուժերի և միջոցների կիրառումը, ՀԱՊԿ անդամ-պետությունների ԶՈՒ հետախուզության ենթակա ուժերի և միջոցների համար եղան ուսումնա-մարտական առաջադրանքներ և իրականացվեց Ռուսաստանից Հայաստանի տարածք հետախուզության կառավարման կենտրոնի տեղափոխումը:
ՀՀ ԶՈՒ զորավարժարաններում պրակտիկ գործողությունների փուլի անցկացման ընթացքում ՀԱՊԿ անդամ-երկրների ԶՈՒ հետախուզական և հատուկ ստորաբաժանումները հակառակորդի տարածքում կարևոր և կրիտիկական օբյեկտներ հայտնաբերեցին և բացահայտեցին, հավաքեցին, մշակեցին և վերլուծեցին հետախուզական տեղեկությունները, փոխանակեցին հետախուզական տեղեկությունը ՀԱՊԿ ՕԱՀՈՒ հրամանատարության և հետախուզության կառավարման համատեղ վայրի միջև, ինչը բխում է ՀԱՊԿ ՕԱՀՈՒ համատեղ գործողությունների նախապատրաստման շահերից:
Զորավարժություններին մասնակցեց շուրջ 1000 մարդ, մոտ 80 միավոր տեխնիկա և մինչև 15 ԱԹՍ:
