ԵՐԵՎԱՆ, 11 հոկտեմբերի — Sputnik. Սոչիում ընթացող ԱՊՀ պետությունների ղեկավարների խորհրդի նիստին մասնակցող Թուրքմենստանի նախագահ Գուրբանգուլի Բերդիմուհամեդովն իր ռուս գործընկերոջը՝ Վլադիմիր Պուտինին, շնորհավորելով ծննդյան 65-ամյակի առթիվ, ալաբայ ցեղատեսակի շան ձագ է նվիրել:
ՌԻԱ Նովոստիի տեղեկությամբ`Պուտինին նոր` միջինասիական հովվաշունն ունի խորհրդանշական Հավատարիմ անունը:
«Գիտեմ, որ դուք բանպահպանության հարցերում մեծ գործեր եք անում ոչ միայն Ռուսաստանի, այլ նաև աշխարհի մակարդակով։ Մենք մի բարեկամ ունենք, երևի գիտեք, որ դա ալաբայ շունն է։ Եվ ես այսօր ինձ հետ բերել եմ ալաբայի փոքրիկ ձագուկ։ Նրա անունը Հավատարիմ է։ Կարծում եմ` այդ անունը նաև Ձեզ մոտ էլ է ընդունելի»,–ասել է Բերդիմուհամեդովը, ինչից հետո սենյակ են բերել փոքրիկ շնիկին։
Վլադիմիր Պուտինը գրկել է շնիկին ու համբուրել։
Նշենք, որ Պուտինը հայտնի է շների հանդեպ իր մեծ սիրով: ՌԴ նախագահն ունի 2 շուն, որոնք նվեր է ստացել օտարերկրյա գործընկերներից: Շներից մեկին՝ ակիտա-ինու ցեղատեսակի ներկայացուցչին, Պուտինը ստացել էր 2012թ. ճապոնական Ակիտա պրեֆեկտուրայի նահանգապետից: Իսկ 2010թ. նա Բուլղարիայի վարչապետ Բոյկո Բորիսովից ստացել էր բուլղարական հովվաշուն:
