ԵՐԵՎԱՆ, 26 հոկտեմբերի — Sputnik. ԱՀաբեկիչների ավերած հայկական եկեղեցու լուսանկարը հրապարակել է Asbarez-ը։
Լուսանկարիչ Թոնի Իսքաքը նկարել է Ռաքքայի հայկական եկեղեցին քաղաքի ազատագրումից հետո:
Ահաբեկիչներն ու զինյալները պղծել են հայկական բոլոր եկեղեցիները:
Ռաքքայի հայտնի հայ կաթողիկե եկեղեցին և հունական կաթողիկե եկեղեցին նույնպես 2014-ին ավերակ դարձան «Իսլամական պետություն» ահաբեկչական կազմակերպության ձեռքով։
2016 թվականի մարտի 14-ին հրապարակված տեսանյութում երևում էր Ռաքքայի քանդված հայ կաթողիկե եկեղեցին: «Իսլամական պետությունը» եկեղեցին վերածել էր հոգևոր կենտրոնի և խաչի փոխարեն զետեղել էր «Իսլամական պետության» դրոշը:
Ահաբեկիչներն ու զինյալներն ավերել են նաև հայկական մյուս եկեղեցիները։
«Իսլամական պետությունը» ռմբակոծել է Հալեպի Սուրբ Ռիտա հայկական եկեղեցին:
Դեր Զորում Մեծ Եղեռնի նահատակաց հուշահամալիրը ոչնչացվել է 2014-ի սեպտեմբերին։
Ռաքքայում գտնվող Նահատակների հայ կաթողիկե եկեղեցին նույնպես քանդված է, ահաբեկիչները հանել են խաչը։
Թալ Աբիատ շրջանում գտնվող Սուրբ Խաչ հայկական եկեղեցին քանդվել է 2012 թվականին:
Հալեպի Քառասուն Մանկանց հայկական եկեղեցին ռմբակոծվել և ավերվել է 2015 թվականի ապրիլին:
