ԵՐԵՎԱՆ, 7 նոյեմբերի — Sputnik. Վիրջինիա նահանգնի դատարանը որոշել է լիովին արգելափակել Sci-Hub կայքը և պատասխանատվության ենթարկել 4,8 միլիոն դոլար վճարով, գրում է Sciencemag առցանց պարբերականը։
Դոմենի սեփականատեր Ալեքսանդրա Էլբակյանը որոշել է, որ չի վճարելու դատարանի սահմանած գումարը, քանի որ հիմա նա Ռուսաստանում է` Ամերիկայի իրավասությունից դուրս։
Միջազգային գիտական պարբերականի տվյալների համաձայն` ավելի վաղ Sci-Hub-ի դեմ դատարանում բողոքել էր Elsevier պարբերականը` հեղինակային իրավունքները խախտելու համար։ Որոշում էր կայացվել կայքին տուգանել 15 միլիոն դոլարով ։
Էլբակյանը ԶԼՄ- ներին հայտնել է, որ Sci-Hub-ն անտեսելու է դատական բոլոր գործընթացները։
«Սա կարող է նախադեպ դառնալ, որպեսզի համացանցի երրորդ կողմերը գրաքննություն պահանջեն», — ասել է Փենսիլվանիայի համալսարանի գիտնական Դանիել Հիմելշտեյնը, որը վերջերս վերլուծել է` քանի աշխատանք է պատկանում Sci-Hub դոմենին։
Ամերիկյան մեկ այլ դատարան էլ 2015 թվականին սահմանել է, որ Sci-Hub-ը խախտում է հեղինակային իրավունքի մասին օրենքը ու պետք է փակվի։ Սակայն կայքը շարունակել է աշխատել` այլ դոմեններ օգտագործելով։
Ավելի վաղ Sci-Hub որոնողական պորտալի ստեղծող, Ղազախստանի համալսարանի շրջանավարտ Ալեքսանդրա Էլբակյանը գլխավորել է Nature միջազգային գիտական ամսագրի գիտության ոլորտում 2016 թվականի ամենաազդեցիկ մարդկանց վարկանիշային աղյուսակը։
2016 թվականի սկզբին Ալեքսանդրա Էլբակյանը պատերազմ է հայտարարել գիտական բիզնեսով զբաղվող վեբ-հարթակներին ու ստեղծել է Sci-Hub կայքը, որը թույլ է տալիս անվճար բեռնել տարբեր գիտական աշխատություններ, որոնք այլ կայքերում հասանելի են միջինը 30 դոլարով։
Կայքում ամսական մոտ 40000 տարատեսակ հոդված է հրապարակվում։
