Արմեն Ավակ Ավակյան
«Իմաստն այն է, որ մեկ տարածքում ապրում են մարդիկ, այն բաժանված է ավելի փոքր տարածքների, որոնցից ամեն մեկը ներկայացնում է Հայաստանի մի հատվածը` Հավլաբար, Գորիս, Գյումրի…»,- նշեց նա։
Ըստ Ավակյանի` «Նոյ» էթնոգրաֆիկ թաղամասի բիզնես տրամաբանությունը պարզ է և ունի եռակի կոմպոնենտ։ Մեկն ապրելու տարածքն է` բնակարաններ, որտեղ մարդիկ կապրեն, երկրորդը` հյուրանոցներ, ռեստորաններ, որոնք կոմերցիոն տարածքներ կլինեն և կվարձակալվեն, երրորդը` մշակութային տարածքներ, որոնք կլինեն էթնոգրաֆիկ բաղկացուցիչը։ Դեռ հայտնի չէ, թե այս երեքից որն ինչ տոկոսային հարաբերությամբ կլինի։
«Նոյ» էթնոգրաֆիկ թաղամասում ներկայացված են լինելու Հայաստանի տարբեր տարածաշրջանների ճարտարապետական, խոհանոցային, արվեստի, արհեստների լավագույն մշակույթը, սովորույթներն ու ավանդույթները։
