ԵՐԵՎԱՆ, 17 դեկտեմբերի — Sputnik. ՄԱԷ-ում հայտնի դիմահարդարներ Սոնյա և Ֆայզա Ալի քույրերը սոցցանցերում մեծ ճանաչում են ձեռք բերել: Քույրերն Instagram-ի իրենց էջում ավելի քան 700 հազար հետևորդ ունեն:
Բանն այն է, որ աղջիկները շատ են նման ԱՄՆ բարձրաշխարհիկ հասարակության ներկայացուցիչներ և Keeping Up With The Kardashians ռեալիթի շոուի աստղեր Քիմ Քարդաշյանին և Քայլի Ջեներին:
Տարբեր արևմտյան պարբերականներին տված հարցազրույցներում Ալի քույրերը ընդգծել են իրենց սերը Քիմի և Քայլիի նկատմամբ: Նրանց ճիշտ նմանակը դառնալու համար աղջիկները ստիպված էին մի շարք դժվար պլաստիկ վիրահատությունների դիմել: Բացի այդ, նրանք նմանակում են իրենց կուռքերի կենսակերպն ու ոճը:
Ի դեպ, Սոնյան և Ֆիզան ՄԱԷ-ում հայտնի դիմահարդարներ են: Նրանց հաճախորդները երկրում հայտնի մարդիկ են:
Քարդաշյանի հետ են համեմատում նաև 21-ամյա ռուս մոդել Անաստասիա Կվիտկոյին: Նա ապրում է Լոս Անջելեսում և համաձայնել է մասնակցել Keeping Up with the Kardashians շոուի նման մեկ այլ կոմերցիոն նախագծի, որը հեռարձակվում է ամերիկյան հեռուստաալիքներից մեկով:
