ԵՐԵՎԱՆ, 15 մարտի — Sputnik. Հայտնի պարուհի, pol-dance-ի աշխարհի չեմպիոն Վարդան (Վարդանուշ Մարտիրոսյանը) Instagram սոցիալական կայքում սկսնակների համար պարի դասընթացից տեսանյութ է հրապարակել։
«Գրեթ բոլորը, ովքեր գալիս են @varda_moscow, զղջում են, որ ավելի շուտ դա չեն արել։ Մեկ տարուց ավելի հետևում էին, սակայն չէին համարձակվում գալ։ Պատճառները տարբեր են` մեկը կարծում էր, թե արդեն ուշ է, մյուսը, թե մեզ մոտ միայն մինչև 50 կիլոգրամ քաշ ունեցող, մոդելային արտաքինով աղջիկներ են գալիս, ոմանք էլ պարզապես վախենում էին, որ իրենց մոտ ոչինչ չի ստացվի», — գրել է Վարդան։
Վարդան պնդում է` մինչև բազմոցից վեր չկենաս, վախը կշարունակի վարժեցնել քեզ անշարժ կյանքին` զրկելով հոգու և մարմնի ուզածն անելու հնարավորությունից, այսինքն` պարելուց։
Տեսանյութը շատ արագ տարածվել է. երեք ժամվա ընթացքում այն դիտվել է ավելի քան 9 հազար անգամ։
Շատերին, սակայն, դուր չի եկել Վարդայի դիրքորոշումը։ Մեկնաբանություններում օգտատերերը բողոքում էին կծող գներից։
«Իսկ մարդ կա, ում ֆինանսական միջոցները չեն բավարարում. գումար կհավաքեմ ու կգամ», — գրել է vitafullerА-ն։
«Իսկ ինչու՞ չեք ասում ֆինանսական բաղադրիչի մասին։ Ձեր գները սարսափելի են», — գրել է zemlyanika_anya օգտատերը։
Վարդան ծնվել է 1985թ.-ի մարտի 3-ին բազմանդամ ընտանիքում։ Նա 2 բարձրագույն կրթություն ունի` զանգվածային միջոցառումների ռեժիսորի և ֆիզկուլտուրայի ուսուցչի ու մարզչի։ Կարիերայի ընթացքում Վարդան կարողացել է շատ տիտղոսներ և մրցանակներ շահել` ելույթ ունենալով «Սև հրեշտակ» բեմական անունով։
