ԵՐԵՎԱՆ, 24 հունիսի — Sputnik. Գեղարքունիքի մարզում խոշոր ավտովթար է տեղի ունեցել։ Այսօր՝ հունիսի 24-ին, ժամը 15։00-ի սահմանում Սևան-Գեղամավան-Զովաբեր գյուղամիջյան ճանապարհի 2.5 կմ հատվածում բախվել են Վիլիս մակնիշի և ВАЗ 2121 մակնիշի ավտոմեքենաները։
24 հունիսի 2018, 15:14
Shamshyan.com-ը հայտնում է, որ Վիլիսը կողաշրջվել է, Նիվան էլ դուրս է եկել ճանապարհի երթևեկելի գոտուց և գլխիվայր հայտնվել դաշտում։
Վիրավորներից մեկին տեղափոխել են Հրազդանի բժշկական կենտրոն, իսկ 4-ին` Սևանի բժշկական կենտրոն։
Ոստիկանությունը պարզում է վարորդների և վիրավորների ինքնությունը։
Դեպքի վայրում հավաքվածներն ասել են, որ վիրավորներին առաջինը օգնության են հասել գյուղացիները։
