«Տարիներ անցան» ռադիոնախագիծը նվիրված է փողոցային խաղերին և բակային մոռացված ավանդույթներին, հին հարևաններին, դպրոցական կյանքին և մեր անցյալի վառ պատմություններին։
Պիսարենկոյի զրուցակիցները հիշում են, թե անցած հարյուրամյակի 80-ական թթ-ի կեսերին ինչ տեսք է ունեցել Երևանի կենտրոնը հայտնի Ձկան խանութի և Սուրբ Սարգիս եկեղեցու մոտակայքում, ինչպես են գողացել ֆուտբոլի դարպասները խաղահրապարակից, որը գտնվում էր բռնցքամարտի ու ըմբշամարտի մանկապատանեկան մարզադպրոցի հարևանությամբ, և տեղադրել իրենց հարմար վայրում։
Հյուրերից մեկը պատմում է, որ իր ջութակը տեղափոխել է մարզական պայուսակով, որպեսզի մյուսներին թվա, թե ինքը ոչ թե երաժշտական դպրոց է գնում, այլ մարզական խմբակ։
