Երևանի քաղաքապետ Հայկ Մարությանը, ի տարբերություն նախկին քաղաքապետ Տարոն Մարգարյանի, շրջում է առանց թիկնապահների ու նույնիսկ օգտվում է հասարակական տրանսպորտից։ Aravot թերթը տեսանյութ է հրապարակել YouTube–ի իր ալիքում։
40 վայրկյան տևողությամբ տեսանյութում երևում է` ինչպես է քաղաքապետը ավտոբուսում շփվում մարդկանց հետ։ Ուղևորներից մեկը հարցում է քաղաքապետարանի Սարալանջ փողոցի ու Երևանի բլուրների կանաչապատման նախագծի մասին։ Մարությանն ընդգծում է, որ այդ նախագիծն իսկապես գոյություն ունի ու իրագործվելու է։
Ավելի վաղ Մարությանը նշել էր, որ պարբերաբար օգտվում է հասարակական տրանսպորտից։
Մանրամասները դիտեք տեսանյութում։
