ԵՐԵՎԱՆ, 28 մայիսի — Sputnik. Սարդարապատում այսօր Արամ Մանուկյանի 140–ամյակին նվիրված հուշակոթող բացվեց։ Հուշակոթողի քանդակագործն Արտակ Համբարձումյանն է, ճարտարապետը` Հայկ Ասատրյանը։ Վեց մետր բարձրությամբ կարմիր տուֆից կերտված համալիրը, կառուցվել է Տորոնտոյում Հայաստանի պատվո հյուպատոս Վան Լապոյանի բարերարությամբ։
Հուշարձանը տեղադրվել է զանգաշտարակի մոտակայքում: Խորհրդանշական սիմվոլներն են սուրը, արծիվները, հավերժության խորհրդանիշը:
Նշենք, որ Առաջին Հանրապետության 101–ամյակի կապակցությամբ Սարդարապատում են ՀՀ վարչապետ Նիկոլ Փաշինյանը, ՀՀ նախագահ Արմեն Սարգսյանը, քաղաքական էլիտան։
Նախագահն ու վարչապետը ծաղիկներ խոնարհեցին Սարդարապատի հուշահամալիրում։
Հիշեցնենք` 1918 թվականի մայիսի 28-ին մայիսյան հերոսամարտներից` Սարդարապատից, Բաշ-Ապարանից, Ղարաքիլիսայից հետո ծնունդ առավ Հայաստանի Առաջին Հանրապետությունը: Հայ ժողովուրդը կարողացավ 543 տարի անց վերականգնել պետականությունը: Մայիսի 28-ին Թիֆլիսի Հայոց ազգային խորհուրդն ընդունեց հռչակագիր, որում ասված է.
«Անդրկովկասի քաղաքական ամբողջության լուծումով եւ Վրաստանի ու Ադրբեջանի անկախության հռչակումով ստեղծված նոր դրության հանդեպ Հայոց ազգային խորհուրդն իրեն հայտարարում է հայկական գավառների գերագույն եւ միակ իշխանություն»:
Հիշեցնենք` 1918 թվականի մայիսի 28-ին մայիսյան հերոսամարտներից` Սարդարապատից, Բաշ-Ապարանից, Ղարաքիլիսայից հետո ծնունդ առավ Հայաստանի Առաջին Հանրապետությունը: Հայ ժողովուրդը կարողացավ 543 տարի անց վերականգնել պետականությունը: Մայիսի 28-ին Թիֆլիսի Հայոց ազգային խորհուրդն ընդունեց հռչակագիր, որում ասված է.
«Անդրկովկասի քաղաքական ամբողջության լուծումով եւ Վրաստանի ու Ադրբեջանի անկախության հռչակումով ստեղծված նոր դրության հանդեպ Հայոց ազգային խորհուրդն իրեն հայտարարում է հայկական գավառների գերագույն եւ միակ իշխանություն»:
