Կարինե Դանիելյան. «Եթե ջուրը թթվայնացել է, սննդի և ջրի միջոցով վտանգելու է մարդու առողջությունը»
«Բնության մեջ ամեն ինչ շաղկապված է. եթե ջուրը թթվային է դարձել, ի վերջո դա հասնելու է մարդուն և վտանգելու առողջությունը»,–ասում է Դանիելյանը։
Բնապահպանի խոսքով` եթե պարզվի, որ Կապանի անձրևաջրերի հետ խանված դեղնավուն զանգվածը թթվային դրենաժ է, ապա դրա հետևանքը կլինի հողի աղտոտվածությունը, ջրի աղտոտվածությունը, կենդանական աշխարհը կտուժի, բնությունը կտուժի և, իհարկե` մարդը։
Հիշեցնենք, որ օրեր առաջ «Հայկական բնապահպանական ճակատ» քաղաքացիական նախաձեռնությունը Facebook սոցիալական կայքի իր էջում լուսանկարներ էր հրապարակել ու հայտնել, որ Կապանում անձրևից հետո թթվային գետակներ են հոսում փողոցների մի մասով։
