ԵՐԵՎԱՆ, 2 սեպտեմբերի — Sputnik. Երևանում երկու տղամարդ աշխատանքի ժամանակ այրվածքներ են ստացել ու հիվանդանոց տեղափոխվել. նրանցից մեկը, գիտակցության չգալով, մահացել է։ Այս մասին Sputnik Արմենիային հայտնեցին ՀՀ ոստիկանության լրատվական ծառայությունից։
«Դեպքը տեղի է ունեցել օգոստոսի 24-ին. ժամը 13։15-ի շրջանում Այրվածքաբանական հիվանդանոցից ոստիկանություն հաղորդում է ստացվել, որ տարբեր այրվածքներով հիվանդանոց են տեղափոխվել 46 և 35 տարեկան երկու տղամարդ»,–հայտնեցին ոստիկանությունից։
46–ամյա տղամարդու մոտ եղել է «մարմնի մակերեսի 50 տոկոսի ջերմային այրվածք, վերին շնչուղիների այրվածք, ծանր այրվածքային շոկ», իսկ 35 տարեկան տղամարդու մարմնի մակերեսի 4 տոկոսն այրված է եղել։
Մեկնած օպերատիվ խումբը պարզել է, որ նրանք վնասվածքները ստացել են աշխատավայրում՝ խառնիչը պտտվելու ժամանակ առաջացած բոցի հետևանքով:
Դժբախտ պատահար Էրեբունի վարչական շրջանում. Աղի լճում տղամարդ է խեղդվել
Սեպտեմբերի 1-ին բժշկական կենտրոնից հաղորդում է ստացվել, որ 46-ամյա տղամարդը, գիտակցության չգալով, մահացել է:
Նախապատրաստվում են նյութեր:
