ԵՐԵՎԱՆ, 26 հոկտեմբերի — Sputnik. Արցախա-ադրբեջանական հակամարտ զորքերի շփման գոտում հակառակորդի` հրադադարի պահպանման ռեժիմի խախտման դեպքերն ավելացել են։ Այս մասին հայտնում է Արցախի պաշտպանության նախարարության մամուլի ծառայությունը։
«Հոկտեմբերի 20-ից 26-ն ընկած ժամանակահատվածում հակառակորդը հրադադարի պահպանման ռեժիմը խախտել է ավելի քան 170 անգամ»,–նշված է հաղորդագրության մեջ։
Նախորդ շաբաթվա ընթացքում հրադադարի խախտման 150 դեպք էր գրանցվել։
Գալստյան. «Ադրբեջանը երբեք չի հրաժարվել ղարաբաղյան խնդրի վերաբերյալ իր մոտեցումներից»
Ավելացել է նաև կրակոցների թիվը. այս շաբաթ հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է մոտ 1500 կրակոց, իսկ նախորդ շաբաթ հայ դիրքապահների ուղղությամբ շուրջ 1100 կրակոց էր հնչել։
Առանց Ստեփանակերտի անհնար է կարգավորել ղարաբաղյան հակամարտությունը. Նիկոլ Փաշինյան
