ԵՐԵՎԱՆ, 4 նոյեմբերի – Sputnik. Մեր տեղեկություններով՝ երեկ գիշեր մայրաքաղաքում կրակոցներ են հնչել։ Դեպքը տեղի է ունեցել Նոր Նորք վարչական շրջանում։
13 փետրվարի 2018, 12:57
Ըստ շրջանառվող որոշ լուրերի՝ փողոցներից մեկում 25-ից 30 տարեկան մի խումբ երիտասարդներ թեժ վիճել են, փոխադարձ հարվածներ հասցրել միմյանց։ Այդ ընթացքում վեճի մասնակիցներից մեկը ատրճանակով օդում կրակոցներ է արձակել։
Միջադեպին արագ արձագանքել են Նոր Նորքի ոստիկանները, որոնց օպերատիվ աշխատանքի արդյունքում միջադեպի մասնակիցներից մի քանիսը բռնվել են հենց դեպքի վայրում։
Sputnik Արմենիայի տեղեկություններով՝ բերման ենթարկվածների թվում է նաև կրակոցներ արձակած երիտասարդը։
Կատարվածի մանրամասները իրավապահները պարզում են։
