Կոնստանտին Զատուլինի մոտեցումները նոր չեն ձևավորվել. այդ մոտեցումներն ինքն ունեցել է տարիներ առաջ իր զբաղեցրած տարբեր դիրքերի շրջանակներում: Հիմնական ընկալումը մշտապես եղել է, ըստ որի՝ ղարաբաղյան խնդրի լուծումը պետք է լինի փոխզիջումային, և այդ մասին բազմիցս ասվել է նաև նախորդ իշխանությունների շրջանակներում: Սերժ Սարգսյանը շատ ակնհայտ և բաց տեքստով խոսել է այն ծրագրի մասին, որը քննարկվել է Կազանում և մերժվել է Ադրբեջանի կողմից: Sputnik Արմենիայի հետ զրույցում այս մասին ասաց ԱԺ «Իմ քայլը» խմբակցության պատգամավոր Տաթևիկ Հայրապետյանը։
Բաքվի հերթական հիստերիան Զատուլինին չի զարմացրել. վաղուց գիտեր, որ ադեկվատ չեն
«Հաշվի առնելով նաև ադրբեջանական իշխանությունների վերաբերմունքը Զատուլինի և նրա` Արցախ կատարած այցի հանդեպ, հստակ նշում է, թե ինչպես է ինքն իր վրա զգացել Ադրբեջանի որդեգրած քաղաքականության հետևանքները»,- նշում է Տաթևիկ Հայրապետյանը:
ԱԺ պատգամավորի փոխանցմամբ՝ նույն կերպ Զատուլինը խոսում է նաև ազգայնականների մասին՝ անդրադառնալով ադրբեջանական հռետորաբանությանը: Ակնհայտ է դառնում, որ խաղաղությունը չի կարող լինել միակողմանի: Հայաստանը տարիներ շարունակ խոսել է խաղաղ, փոխզիջումային լուծման մասին, բայց որևէ պատասխան չի ստացել Ադրբեջանից ու մինչ օրս չի ստանում:
Մտադիր չեմ տեղի տալ Ադրբեջանի ղեկավարության քմահաճույքին. Զատուլին
Իմքայլական պատգամավորի դիտարկմամբ՝ Հայաստանի ներկա իշխանություններն ասում են, որ լուծումը պետք է բոլոր կողմերի համար լինի ընդունելի, ընկալելի, սակայն այդ քայլը ևս արձագանք չի ստանում, ուստի Զատուլինը նշում է Ադրբեջանի անհամաչափ մոտեցման հանգամանքը և խոսում այն մասին, թե որքան է դա բարդացնում բանակցային գործընթացը:
