Երեկ երեկոյան Երևանի Պռոշյան փողոցում տեղի ունեցած վթարից հետո «Բրաբուսի» վարորդը ծեծել է տաքսու վարորդին։ Այս մասին հայտնում է է Facebook-ի օգտատերեր Գնել Հայրապետյանը։
Նա տեսանյութ է հրապարակել, որտեղ երևում է, որ «Բրաբուսը» Պռոշյան փողոցում նախ հարվածում է դիմացից ընթացող տաքսուն, հետո վարորդն իջնում է մեքենայից, մոտենում իրեն ընդառաջ եկող տարեց տղամարդուն և սկսում է հարվածել նրան: Տաքսու վարորդը, որը մոտ 75 տարեկան է, ընկնում է գետնին, «Բրաբուսի» վարորդը շարունակում է հարվածել ոտքերով։
Տարեց տղամարդուն օգնության են հասնում պատահական անցորդները։
Երևանում զենքով հարձակվել են «Ֆլեշ» բենզալցակայաններից մեկի վրա
«Էս ավտոյի տիրոջը ո՞վ գիտի. Պռոշյանի վրա խփեց տաքսու հետևին ու իջավ, քցեց գետին, քացիների տակ։ Շոֆեռը մոտ 75 տարեկան պապիկ էր։ 75+ մարդուն գետնի վրա քացով տշելը հեշտա, բայց բարոյական չի»,- տեսանյութին կից գրել է տեսանյութը հրապարակած օգտատերը։
Նա հուսով է, որ իրավապահները կարձագանքեն իր հրապարակմանը, և չարագործը կպատժվի:
Վիճաբանություն Վանաձորում. 11 հոգով ծեծել են երեք համաքաղաքացիներին
Ոստիկանության մամուլի ծառայությունից Sputnik հայտնեցին, որ դեպքի հանգամանքները պարզելու ուղղությամբ անհրաժեշտ միջոցներ են ձեռնարկվում. արդյունքների մասին հանրությանը լրացուցիչ կտեղեկացնեն։
