ԵՐԵՎԱՆ, 7 հունվարի – Sputnik. Արցախում ճանապարհատրանսպորտային պատահար է գրանցվել, որի հետևանքով 2 զինծառայողներ են տուժել։ Նրանցից մեկի` Փայլակ Ասատրյանի վիճակը ծանր է։ ՊՆ մամուլի քարտուղար Արծրուն Հովհաննիսյանը Sputnik Արմենիայի հետ զրույցում ասաց, որ նա բազմաթիվ կոտրվածքներ ունի։
«Այս պահին զինծառայողի վիճակը գնահատվում է կայուն ծանր», – հայտնեց Հովհաննիսյանը։
Sputnik Արմենիայի տեղեկություններով` երեկ տեղի ունեցած վթարի պահին զինծառայողներից յուրաքանչյուրն առանձին մեքենայով է եղել. մեքենաները բախվել են, որի հետևանքով դրանցից մեկն ընկել է ձորը։ Հենց այդ մեքենան էլ վարել է Փայլակ Ասատրյանը, որին ծայրահեղ ծանր վիճակում տեղափոխել են Ստեփանակերտի կենտրոնական զինվորական հոսպիտալ։ Երեկ երեկոյան նրան ուղղաթիռով բերել են Երևանի Կենտրոնական կլինիկական զինվորական հոսպիտալ։ Երկրորդ վարորդը գրեթե չի տուժել։
Փայլակ Ասատրյանը ժամկետային զինծառայող է, զորացրմանը մնացել է 6 ամիս։
