ԵՐԵՎԱՆ, 4 ապրիլի – Sputnik. Հայտնի երգիծաբան Գարիկ Մարտիրոսյանը հիշել է 90-ականներն ու Inastagram-ում լուսանկար հրապարակել։
«1999 թվական։ Իմ ամենամեծ խնդիրներն էին՝ ինչպես ՈՒՀԱ-ի «Նոր հայեր» թիմի համար ծիծաղելի կատակներ հորինել ու որտեղից մազերը գերֆիքսող գել ճարել։ Ոսկե ժամանակներ էին»,- գրել է Մարտիրոսյանը։
Նրա էջի հետևորդները հավանել են այս գրառումը և մեկնաբանություններ գրել՝ հիշելով 90-ականների Գարիկին։
«Ես սիրահարված էի ձեզ», - խոստովանել է razetmutieva-ն։ «Սա հաստատ նոր հայերի Գարիկն է, հիանալի հիշողություններ են», - գրել է chupeevamr-ը։
Շատերը նշել են, որ Գարիկի գալուն պես ՈՒՀԱ-ն նոր մակարդակի հասավ։
«Ուզեք` ՀՀ նախագահ կդառնաք». Վրաստանի 2-րդ նախագահի թոռնուհին` Գարիկ Մարտիրոսյանին
Հիշեցնենք, որ երգիծաբան Գարիկ Մարտիրոսյանը ծնվել է 1974 թվականին Երևանում: Ավարտել է Երևանի բժշկական համալսարանը` նյարդահոգեբան-հոգեթերապևտ որակավորմամբ։ Նա երեք տարի աշխատել է որպես բժիշկ: 1993 թվականից դարձել է Ուրախների և հնարամիտների ակումբի «Նոր հայեր» թիմի խաղացող: Այդ ժամանակից ի վեր Մարտիրոսյանը սկսել է ակտիվ գործունեություն ծավալել ռուսական շոու բիզնեսում:
«Ցնցող կին». Գարիկ Մարտիրոսյանը պարծենում ու հպարտանում է իր կողակցով. տեսանյութ
