https://arm.sputniknews.ru/20230729/marduc-alergia-linum-e-aranc-tabuneri-zrujc-sevan-iricjani-het-63653003.html
Մարդուց ալերգիա լինո՞ւմ է. առանց տաբուների զրույց Սևան Իրիցյանի հետ
Մարդուց ալերգիա լինո՞ւմ է. առանց տաբուների զրույց Սևան Իրիցյանի հետ
Sputnik Արմենիա
«Առանց տաբուների» հաղորդաշարի հյուրը հայտնի իմունոլոգ և ալերգոլոգ Սևան Իրիցյանն է։ 29.07.2023, Sputnik Արմենիա
2023-07-29T21:00+0400
2023-07-29T21:00+0400
2024-02-18T09:48+0400
հայաստան
ալերգիա
մարդ
սևան իրիցյան
տեսանյութ
տեսանյութեր
առանց տաբուների
https://cdn.am.sputniknews.ru/img/07e7/07/1d/63652020_0:0:1600:901_1920x0_80_0_0_4f1059174d18083bee35db0607086b50.jpg
Իմունոլոգ և ալերգոլոգ Սևան Իրիցյանը կարծում է, որ սեզոնային ալերգիկ ռինիտներն ու կոնյուկտիվիտն այս տարի ավելի երկար են դրսևորվում, քանի որ եղանակն անձրևային է, բուսականությունն ավելի երկար է ծաղկում։Նրա խոսքով` ամենատարածվածը ծաղկափոշով պայմանավորված շնչառական ալերգիաներն են, իսկ Հայաստանում ալերգեն հանդիսացող սիզախոտը շատ տարածված է։ Սակայն ծաղկափոշով պայմանավորված շնչառական ալերգիաները հիմնականում մեծահասակներին են անհանգստացնում, իսկ նորածինների ու երեխաների սննդային ալերգիաները` մաշկային ձևով։Իրիցյանը կարծում է, որ աղի քարանձավներ և սոճուտներ այցելելը կարող է փոքրիկ փախուստ լինել ալերգիայից, բայց դրանից ձերբազատվելու հարցում դժվար թե օգնի։ Ավելին` բույսերի ծաղկման շրջանում անտառային զբոսանքները կարող են անգամ սրել ծաղկափոշով պայմանավորված ալերգիաները։ Իսկ ինչ վերաբերում է արևի ալերգիային, ապա մասնագետը պնդում է, որ դա հազվադեպ է հանդիպում, և հաճախ մարդիկ այն շփոթում են զանազան այլ երևույթների հետ։Նա նշեց, որ նախկինում Հայաստանում տղամարդկանց շրջանում կար տարածված ալերգիայի տարատեսակ մեղվի խայթոցից, որը համացանցում «հայկական ալերգիա» են կոչում։ Ըստ մասնագետի` կա ենթադրություն, որ այս տարատեսակի տարածվածությունը շատ էր, քանի որ հնարավոր էր այս հիմնավորմամբ ազատվել բանակից։Իրիցյանը նաև մեկնաբանեց համացանցում տարածված այն պնդումները, թե ալերգիա կարող է լինել նաև մարդուց։ Ըստ նրա` մարդու հոտը և ձայնը, անգամ տեսքը կարող են այնքան ուժեղ սթրես առաջացնել, որ ցան առաջանա, սակայն դա չի կարելի ալերգիա անվանել։Նա նաև խոսել է գլյուտենի և լակտոզայի յուրացման անտանելության, շաքարից և սերմնահեղուկից ալերգիայի, մի քանի երկրներում անցկացված հետազոտությունների, ալերգիայի և օնկոլոգիական հիվանդությունների կապի մասին, ինչպես նաև պատմել խորովածի հանդեպ ալերգիայի մասին։Մանրամասները` տեսանյութում։Բաց զրույց տաբուների մասին. Լյոկան պատմել է բուլինգի, ռեփի, նոր ալբոմի և իր կարոտի մասինԱղջիկ դիջեյն ավելի հետաքրքիր է. առանց տաբուների զրույց Vakcina–ի հետԶբաղվա՞ծ է արդյոք Լիլի Հովերի սիրտը. առանց տաբուների զրույց հաղորդավարուհու հետԻնտրիգներ կան, ասեղներ պուանտներում` ոչ. Տաթևիկ Բոլշիկյանը պատմում է հայկական բալետի մասինՓոքրիկ խորամանկություններ էժան ճամփորդելու համար. առանց տաբուների ներկայացնում է բլոգերըՄարիաննա Քաբաբյանն առանց տաբուների պատմել է բլոգինգը թողնելու և ամուսնալուծության մասինՀՀ–ում կուրծքը հիմնականում փոքրացնում են. Աշոտ Լյուդվիգովիչը պատմում է նոր տենդենցներիցԾնողավարությունը երեխայից հարմար մարդ սարքելը չէ. Գայանե Պողոսյանը առանց տաբուի մայրիկ էԱստղերի հետ աշխատանքը տարբերվում է. առանց տաբուների զրույց հայտնի դերձակ Jenny Aser–ի հետԻնձ արտիստ չընկալողի հետ չեմ համագործակցի. DJ Սերժոն խոսել է առանց տաբուներիԵրազում էի հայտնվել «Տիտանիկում». առանց տաբուների զրույց դերասանուհի Տաթև Հովակիմյանի հետԻնչպես բույրով հիշողություն բյուրեղացնել. Ծովակ Ոսկանյանը` օծանելիքի գաղտնիքների մասինԱռանց տաբուների. Դիանա Մարտիրոսյանը պատմում է Tinder հարթակի և ժամադրությունների մասին
Sputnik Արմենիա
media@sputniknews.com
+74956456601
MIA „Rosiya Segodnya“
2023
Նանա Մարտիրոսյան
https://cdn.am.sputniknews.ru/img/1353/74/13537471_0:0:853:853_100x100_80_0_0_c9409aa202c74cc7679358d1288a7894.jpg
Նանա Մարտիրոսյան
https://cdn.am.sputniknews.ru/img/1353/74/13537471_0:0:853:853_100x100_80_0_0_c9409aa202c74cc7679358d1288a7894.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
Նանա Մարտիրոսյան
https://cdn.am.sputniknews.ru/img/1353/74/13537471_0:0:853:853_100x100_80_0_0_c9409aa202c74cc7679358d1288a7894.jpg
հայաստան, ալերգիա, видео, մարդ, սևան իրիցյան, տեսանյութ, տեսանյութեր
հայաստան, ալերգիա, видео, մարդ, սևան իրիցյան, տեսանյութ, տեսանյութեր
Մարդուց ալերգիա լինո՞ւմ է. առանց տաբուների զրույց Սևան Իրիցյանի հետ
21:00 29.07.2023 (Թարմացված է: 09:48 18.02.2024) «Առանց տաբուների» հաղորդաշարի հյուրը հայտնի իմունոլոգ և ալերգոլոգ Սևան Իրիցյանն է։
Իմունոլոգ և ալերգոլոգ Սևան Իրիցյանը կարծում է, որ սեզոնային ալերգիկ ռինիտներն ու կոնյուկտիվիտն այս տարի ավելի երկար են դրսևորվում, քանի որ եղանակն անձրևային է, բուսականությունն ավելի երկար է ծաղկում։
Նրա խոսքով` ամենատարածվածը ծաղկափոշով պայմանավորված շնչառական ալերգիաներն են, իսկ Հայաստանում ալերգեն հանդիսացող սիզախոտը շատ տարածված է։ Սակայն ծաղկափոշով պայմանավորված շնչառական ալերգիաները հիմնականում մեծահասակներին են անհանգստացնում, իսկ նորածինների ու երեխաների սննդային ալերգիաները` մաշկային ձևով։
«Ստերեոտիպային մթերքների (նարինջ, շոկոլադ, ելակ) ճնշող մեծամասնությունը ատոպիկ դերմատիտ կամ դիաթեզի հետ կապ չունի։ Ալերգիայի աղբյուր կարող են լինել կաթը, ձուն, ցորենը, սոյան։ Սակայն աճի շրջանում առանց հիմնավորման երեխային զրկել այս կամ այն մթերքից ավելի շատ վնասում է նրան», - ասում է բժիշկը։
Իրիցյանը կարծում է, որ աղի քարանձավներ և սոճուտներ այցելելը կարող է փոքրիկ փախուստ լինել ալերգիայից, բայց դրանից ձերբազատվելու հարցում դժվար թե օգնի։ Ավելին` բույսերի ծաղկման շրջանում անտառային զբոսանքները կարող են անգամ սրել ծաղկափոշով պայմանավորված ալերգիաները։ Իսկ ինչ վերաբերում է արևի ալերգիային, ապա մասնագետը պնդում է, որ դա հազվադեպ է հանդիպում, և հաճախ մարդիկ այն շփոթում են զանազան այլ երևույթների հետ։
Նա նշեց, որ նախկինում Հայաստանում տղամարդկանց շրջանում կար տարածված ալերգիայի տարատեսակ մեղվի խայթոցից, որը համացանցում «հայկական ալերգիա» են կոչում։ Ըստ մասնագետի` կա ենթադրություն, որ այս տարատեսակի տարածվածությունը շատ էր, քանի որ հնարավոր էր այս հիմնավորմամբ ազատվել բանակից։
«Սակայն երկար տարիներ ղեկավարելով համապատասխան լաբորատորիան` չեմ նկատել, որ Հայաստանում թվերը էապես տարբերվեն միջազգային թվերից»,– ասաց ալերգոլոգը։
Իրիցյանը նաև մեկնաբանեց համացանցում տարածված այն պնդումները, թե ալերգիա կարող է լինել նաև մարդուց։ Ըստ նրա` մարդու հոտը և ձայնը, անգամ տեսքը կարող են այնքան ուժեղ սթրես առաջացնել, որ ցան առաջանա, սակայն դա չի կարելի ալերգիա անվանել։
Նա նաև խոսել է գլյուտենի և լակտոզայի յուրացման անտանելության, շաքարից և սերմնահեղուկից ալերգիայի, մի քանի երկրներում անցկացված հետազոտությունների, ալերգիայի և օնկոլոգիական հիվանդությունների կապի մասին, ինչպես նաև պատմել խորովածի հանդեպ ալերգիայի մասին։
Մանրամասները` տեսանյութում։
