https://arm.sputniknews.ru/20231231/hh-ev-rd-zhvoghvovurdneri-kapery-pahanjvats-en-aravel-qan-erbeve-rd-despani-ugherdzy-70620582.html
ՀՀ և ՌԴ ժողովուրդների կապերը պահանջված են առավել, քան երբևէ. ՌԴ դեսպանի ուղերձը
ՀՀ և ՌԴ ժողովուրդների կապերը պահանջված են առավել, քան երբևէ. ՌԴ դեսպանի ուղերձը
Sputnik Արմենիա
Ռուս դիվանագետն արձանագրում է` երկկողմ հարաբերությունների դինամիկ զարգացումը բարդ ժամանակահատվածում։ 31.12.2023, Sputnik Արմենիա
2023-12-31T13:24+0400
2023-12-31T13:24+0400
2023-12-31T13:35+0400
սերգեյ կոպիրկին
ամանոր
ուղերձ
նոր տարի
հայաստան
ռուսաստան
https://cdn.am.sputniknews.ru/img/07e7/06/0d/61078722_0:0:1600:901_1920x0_80_0_0_6cb098d58fcc5f6660d273846b017751.jpg
ԵՐԵՎԱՆ, 31 դեկտեմբերի - Sputnik. Ռուսաստանն ու Հայաստանն անցնող տարում շարունակել են ավելացնել երկկողմ համագործակցության առկա ներուժը։ Այս մասին ասված է ՌԴ դեսպան Սերգեյ Կոպիրկինի ամանորյա շնորհավորական ուղերձում։Դիվանագետը նշել է, որ 2023 թվականին նոր խթան են ստացել մշակութային, գիտական և կրթական կապերը, ինչը ցույց է տալիս ժողովուրդների խոր մշակութային և հոգևոր ընդհանրության պահպանումը:Դիվանագետը համոզված է, որ երկու երկրների ակտիվ մասնակցությունը համատեղ ինտեգրացիոն նախագծերին նպաստում է ինչպես ընդհանուր զարգացմանը, այնպես էլ երկու պետությունների ինքնիշխանության ամրապնդմանը ներկայիս շատ բարդ և տագնապալի աշխարհում:«Ավարտվող տարին դարձավ նաև ժամանակակից Հայաստանի պատմության ամենամռայլ էջերից մեկը։ Ավելի քան 100 հազար ղարաբաղցիներ ստիպված են եղել լքել իրենց հայրենիքը՝ թիկունքում թողնելով տները և իրենց սովոր կենսաձևը։ Հնարավոր չէ ամբողջությամբ պատկերացնել, զգալ մարդկանց ցավն ու տարակուսանքը, որոնք դարձել են այդ ողբերգական իրադարձությունների զոհը: Ռուսաստանցիներն այդ ցավն ընդունեցին ինչպես իրենցը: Առաջին իսկ օրերից Ռուսաստանը աջակցություն է ցուցաբերել հարկադիր տեղահանվածներին ինչպես հասարակական և մասնավոր կազմակերպությունների միջոցով, այնպես էլ պետական մակարդակով»,- հավելել Է Կոպիրկինը։Նա շեշտել է, որ միևնույն ժամանակ Ռուսաստանը, հենվելով եռակողմ պայմանավորվածությունների համալիրի վրա, շարունակել է Հարավային Կովկասում խաղաղության հաստատմանը հաստատակամորեն աջակցելու գիծը: Ըստ դեսպանի` Մոսկվան նախաձեռնողականորեն և հաստատակամորեն օժանդակել է Հայաստանի և Ադրբեջանի միջև հարաբերությունների կարգավորման գործընթացին: Ռուսաստանը Հայաստանին չի մեղադրում վեկտոր փոխելու մեջ, բայց անհանգստացած է. Կոպիրկին«Այդ քրտնաջան աշխատանքը, չնայած բոլոր առկա դժվարություններին, անշուշտ կշարունակվի: Այսօր՝ աշխարհակառուցվածքի պատմական փոփոխությունների ժամանակաշրջանում, ռուս և հայ ժողովուրդների միջև դարավոր, իրական եղբայրական կապերը պահանջված են ավելի, քան երբևէ. դա մեր ընդհանուր ժառանգությունն է, առանց որի պահպանման մեր երկրներին շատ ավելի դժվար կլիներ ապահովել իրենց արժանապատիվ և ամուր տեղը նոր աշխարհակարգում: Շատ կարևոր է, որ մեր հարաբերությունների անբաժանելի մաս են կազմում սերտ միջմարդկային շփումները»,– հայտարարել է նա։Վերջում դեսպանը շնորհավորել է հայ ժողովրդին Ամանորի կապակցությամբ՝ մաղթելով գալիք տարում խաղաղություն, համերաշխություն և բարգավաճում։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
սերգեյ կոպիրկին, ամանոր, ուղերձ, նոր տարի, հայաստան, ռուսաստան
սերգեյ կոպիրկին, ամանոր, ուղերձ, նոր տարի, հայաստան, ռուսաստան
ՀՀ և ՌԴ ժողովուրդների կապերը պահանջված են առավել, քան երբևէ. ՌԴ դեսպանի ուղերձը
13:24 31.12.2023 (Թարմացված է: 13:35 31.12.2023) Ռուս դիվանագետն արձանագրում է` երկկողմ հարաբերությունների դինամիկ զարգացումը բարդ ժամանակահատվածում։
ԵՐԵՎԱՆ, 31 դեկտեմբերի - Sputnik. Ռուսաստանն ու Հայաստանն անցնող տարում շարունակել են ավելացնել երկկողմ համագործակցության առկա ներուժը։ Այս մասին ասված է ՌԴ դեսպան Սերգեյ Կոպիրկինի ամանորյա շնորհավորական ուղերձում։
Դիվանագետը նշել է, որ 2023 թվականին նոր խթան են ստացել մշակութային, գիտական և կրթական կապերը, ինչը ցույց է տալիս ժողովուրդների խոր մշակութային և հոգևոր ընդհանրության պահպանումը:
«Երկկողմ առևտրատնտեսական հարաբերությունները դինամիկ զարգացել և ընդլայնվել են: Ռուսաստանը մնացել է հանրապետության հիմնական առևտրային գործընկերը և ներդրողը հայկական տնտեսության մեջ: Եվրասիական ինտեգրացիոն գործընթացների ոլորտում խորացել է համագործակցությունը: Հաջողությամբ առաջ է ընթացել կոոպերացիան Եվրասիական տնտեսական միության ձևաչափով»,– ասել է նա։
Դիվանագետը համոզված է, որ երկու երկրների ակտիվ մասնակցությունը համատեղ ինտեգրացիոն նախագծերին նպաստում է ինչպես ընդհանուր զարգացմանը, այնպես էլ երկու պետությունների ինքնիշխանության ամրապնդմանը ներկայիս շատ բարդ և տագնապալի աշխարհում:
«Ավարտվող տարին դարձավ նաև ժամանակակից Հայաստանի պատմության ամենամռայլ էջերից մեկը։ Ավելի քան 100 հազար ղարաբաղցիներ ստիպված են եղել լքել իրենց հայրենիքը՝ թիկունքում թողնելով տները և իրենց սովոր կենսաձևը։ Հնարավոր չէ ամբողջությամբ պատկերացնել, զգալ մարդկանց ցավն ու տարակուսանքը, որոնք դարձել են այդ ողբերգական իրադարձությունների զոհը: Ռուսաստանցիներն այդ ցավն ընդունեցին ինչպես իրենցը: Առաջին իսկ օրերից Ռուսաստանը աջակցություն է ցուցաբերել հարկադիր տեղահանվածներին ինչպես հասարակական և մասնավոր կազմակերպությունների միջոցով, այնպես էլ պետական մակարդակով»,- հավելել Է Կոպիրկինը։
Նա շեշտել է, որ միևնույն ժամանակ Ռուսաստանը, հենվելով եռակողմ պայմանավորվածությունների համալիրի վրա, շարունակել է Հարավային Կովկասում խաղաղության հաստատմանը հաստատակամորեն աջակցելու գիծը: Ըստ դեսպանի` Մոսկվան նախաձեռնողականորեն և հաստատակամորեն օժանդակել է Հայաստանի և Ադրբեջանի միջև հարաբերությունների կարգավորման գործընթացին:
«Այդ քրտնաջան աշխատանքը, չնայած բոլոր առկա դժվարություններին, անշուշտ կշարունակվի: Այսօր՝ աշխարհակառուցվածքի պատմական փոփոխությունների ժամանակաշրջանում, ռուս և հայ ժողովուրդների միջև դարավոր, իրական եղբայրական կապերը պահանջված են ավելի, քան երբևէ. դա մեր ընդհանուր ժառանգությունն է, առանց որի պահպանման մեր երկրներին շատ ավելի դժվար կլիներ ապահովել իրենց արժանապատիվ և ամուր տեղը նոր աշխարհակարգում: Շատ կարևոր է, որ մեր հարաբերությունների անբաժանելի մաս են կազմում սերտ միջմարդկային շփումները»,– հայտարարել է նա։
Վերջում դեսպանը շնորհավորել է հայ ժողովրդին Ամանորի կապակցությամբ՝ մաղթելով գալիք տարում խաղաղություն, համերաշխություն և բարգավաճում։
