https://arm.sputniknews.ru/20240427/petq-er-himq-vercnel-1926-tvakani-qartezy-generalmajvory-sahmanazatman-skhalneri-masin-75042361.html
Պետք էր հիմք վերցնել 1926 թվականի քարտեզը. գեներալ–մայորը` սահմանազատման սխալների մասին
Պետք էր հիմք վերցնել 1926 թվականի քարտեզը. գեներալ–մայորը` սահմանազատման սխալների մասին
Sputnik Արմենիա
ՀՀ սահմանապահ զորքերի առաջին հրամանատարի խոսքով՝ սահմանազատումը պետք է իրականացվի աջից ձախ, այսինքն՝ առաջին սյունը պետք է Երասխում դրվեր, ոչ թե Տավուշում։ 27.04.2024, Sputnik Արմենիա
2024-04-27T09:56+0400
2024-04-27T09:56+0400
2024-04-27T09:56+0400
հայաստան
սահմանազատում
տավուշ
լևոն ստեփանյան
https://cdn.am.sputniknews.ru/img/07e8/04/17/74893950_0:359:960:899_1920x0_80_0_0_2365d5135504f7bfa63e9d550268cbb1.jpg
ԵՐԵՎԱՆ, 27 ապրիլի – Sputnik. ՀՀ սահմանապահ զորքերի առաջին հրամանատար, գեներալ-մայոր Լևոն Ստեփանյանը զարմացած է, թե ինչու է Հայաստանի Հանրապետությունը համաձայնել սահմանազատումն իրականացնել Տավուշի հատվածում, ոչ թե այնտեղ, որտեղ Ադրբեջանը տարածքներ է օկուպացրել։«Պետք էր սահմանազատումը սկսել Սյունիքի կամ Վայոց Ձորի մարզերից, որոնցում Ադրբեջանը Հայաստանի ինքնիշխան տարածքներ է օկուպացրել»,- Sputnik Արմենիայի հետ զրույցում ասաց գեներալ–մայորը։Ըստ Ստեփանյանի՝ Տավուշի մարզում իրականացվող սահմանազատմամբ Հայաստանը կորցնում է իր համար նպաստավոր բարձունքները։ Նրա խոսքով` սահմանազատման գործընթացում պարտադիր է հաշվի առնել սահմանամերձ գյուղերի բնակիչների անվտանգությունը, նաև նրանց բնակվելու պայմանների, միջավայրի անխախտելիությունը։Նրա կարծիքով՝ գործընթացն ի սկզբանե սխալ է ընթացել։ Սահմանազատման համար չկա այսօր այնպիսի մի հիմնավոր փաստաթուղթ, որը կապացուցի, թե այդ տարածքներն Ադրբեջանինն են։ Անգամ տեխնիկական առումով, ըստ գեներալ–մայորի, կրկին սխալներ կան։ Առաջին սյունը տեղադրվեց 33/1 նշումով, մինչդեռ սահմանազատումը պետք է իրականացվի աջից ձախ, այսինքն՝ առաջին սյունը պետք է Երասխում դրվեր, հասներ մինչև Բագրատաշեն, իսկ թե որտեղից 33/1 թիվը հայտնվեց, անհասկանալի է։Ստեփանյանը շեշտեց հետագայում սահմանային ուղեկալները համապատասխան տեխնիկական միջոցներով և անձնակազմով համալրելու կարևորությունը, նրա խոսքով` նաև ուժային հարաբերակցությունը պետք է հավասար լինի։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։Հայաստանի և Ադրբեջանի սահմանին արդեն 20 սահմանային սյուն է տեղադրվել
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, սահմանազատում, տավուշ, լևոն ստեփանյան
հայաստան, սահմանազատում, տավուշ, լևոն ստեփանյան
Պետք էր հիմք վերցնել 1926 թվականի քարտեզը. գեներալ–մայորը` սահմանազատման սխալների մասին
ՀՀ սահմանապահ զորքերի առաջին հրամանատարի խոսքով՝ սահմանազատումը պետք է իրականացվի աջից ձախ, այսինքն՝ առաջին սյունը պետք է Երասխում դրվեր, ոչ թե Տավուշում։
ԵՐԵՎԱՆ, 27 ապրիլի – Sputnik. ՀՀ սահմանապահ զորքերի առաջին հրամանատար, գեներալ-մայոր Լևոն Ստեփանյանը զարմացած է, թե ինչու է Հայաստանի Հանրապետությունը համաձայնել սահմանազատումն իրականացնել Տավուշի հատվածում, ոչ թե այնտեղ, որտեղ Ադրբեջանը տարածքներ է օկուպացրել։
«Պետք էր սահմանազատումը սկսել Սյունիքի կամ Վայոց Ձորի մարզերից, որոնցում Ադրբեջանը Հայաստանի ինքնիշխան տարածքներ է օկուպացրել»,- Sputnik Արմենիայի հետ զրույցում ասաց գեներալ–մայորը։
Ըստ Ստեփանյանի՝ Տավուշի մարզում իրականացվող սահմանազատմամբ Հայաստանը կորցնում է իր համար նպաստավոր բարձունքները։ Նրա խոսքով` սահմանազատման գործընթացում պարտադիր է հաշվի առնել սահմանամերձ գյուղերի բնակիչների անվտանգությունը, նաև նրանց բնակվելու պայմանների, միջավայրի անխախտելիությունը։
«Պետք էր սահմանազատման համար հիմք վերցնել 1926 թվականի քարտեզը, որը մեզ համար նաև շահեկան է։ Այդ քարտեզով Հայաստանն ուներ ավելի քան 31 հազար քառակուսի կմ տարածք, չկային անկլավներ, Արծվաշենն էլ ոչ թե կղզյակ էր, այլ Հայաստանին կպած։ Այսօր Արծվաշենի մասին չի էլ խոսվում։ Ես կասկածում եմ, որ նրանք Արծվաշենը կտան»,- ասաց Ստեփանյանը։
Նրա կարծիքով՝ գործընթացն ի սկզբանե սխալ է ընթացել։ Սահմանազատման համար չկա այսօր այնպիսի մի հիմնավոր փաստաթուղթ, որը կապացուցի, թե այդ տարածքներն Ադրբեջանինն են։ Անգամ տեխնիկական առումով, ըստ գեներալ–մայորի, կրկին սխալներ կան։ Առաջին սյունը տեղադրվեց 33/1 նշումով, մինչդեռ սահմանազատումը պետք է իրականացվի աջից ձախ, այսինքն՝ առաջին սյունը պետք է Երասխում դրվեր, հասներ մինչև Բագրատաշեն, իսկ թե որտեղից 33/1 թիվը հայտնվեց, անհասկանալի է։
Ստեփանյանը շեշտեց հետագայում սահմանային ուղեկալները համապատասխան տեխնիկական միջոցներով և անձնակազմով համալրելու կարևորությունը, նրա խոսքով` նաև ուժային հարաբերակցությունը պետք է հավասար լինի։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:
Տավուշի սահմանամերձ գյուղերի բնակիչներն ապրիլի 19-ից
բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
