https://arm.sputniknews.ru/20240509/tavushum-ev-ajl-bnakavajrerum-akcianeri-masnakcatsneric-9-y-kalanqi-tak-en-qki-ampvopumy-75464529.html

Տավուշում և այլ բնակավայրերում ակցիաների մասնակցածներից 9-ը կալանքի տակ են. ՔԿ–ի ամփոփումը

Տավուշում և այլ բնակավայրերում ակցիաների մասնակցածներից 9-ը կալանքի տակ են. ՔԿ–ի ամփոփումը

Sputnik Արմենիա

Մեծ մասի նկատմամբ քրեական հետապնդում է հարուցվել խուլիգանության հոդվածով։ 09.05.2024, Sputnik Արմենիա

2024-05-09T11:57+0400

2024-05-09T11:57+0400

2024-05-09T11:59+0400

հայաստան

տավուշ

կալանք

հհ քննչական կոմիտե

https://cdn.am.sputniknews.ru/img/1187/25/11872504_0:55:1000:618_1920x0_80_0_0_3d0298acfc93b6f04476d68e6e5c0e07.jpg

ԵՐԵՎԱՆ, 9 մայիսի – Sputnik․ Տավուշի մարզում և Հայաստանի այլ բնակավայրերում բողոքի ակցիաների ընթացքում առերևույթ հանցավոր արարքների կատարման համար քրեական հետապնդում է հարուցվել 16 անձի նկատմամբ, որոնցից 9-ի նկատմամբ խափանման միջոց է ընտրվել կալանքը։ ՀՀ քննչական կոմիտեի մամուլի ծառայությունն ամփոփ տեղեկատվություն է ներկայացրել։ՔԿ-ից հայտնում են, որ ապրիլի 20-ից իրականացվող բողոքի ակցիաների ընթացքում առերևույթ հանցավոր դրսևորումների առթիվ նախաձեռնվել է ընդհանուր 11 քրեական վարույթ։Դրանցից 7-ը նախաձեռնվել են Տավուշի մարզում, Երևան քաղաքում և մյուս մարզերում ավտոճանապարհները փակելու ընթացքում կատարված առերևույթ խուլիգանական արարքների, դրանց ընթացքում գույքերի դիտավորյալ վնասման, ֆիզիկական ներգործության, ոստիկանության աշխատակցի օրինական ծառայողական գործունեությանը միջամտելու, ավտոմեքենաներով ճանապարհները փակելու, անվադողեր հրկիզելով երթևեկությունը խաթարելու դեպքերի առթիվ։Մյուս 4 քրեական վարույթները վերաբերում են ակցիաների ընթացքում մասնակիցների կողմից ավտոմեքենայի անվադող վնասելուն, Ծիծեռնակաբերդի հուշահամալիրում ատելության քարոզ կատարելուն, ակցիաների շրջանակներում բռնություն գործադրելու հրապարակային կոչեր հնչեցնելու, ինչպես նաև առերևույթ ապօրինի զենք-զինամթերք ձեռք բերելու, պահելու դեպքերին:13 անձի նկատմամբ հանրային քրեական հետապնդում է հարուցվել խուլիգանության համար՝ ՀՀ քրեական օրենսգրքի 297-րդ հոդվածի տարբեր մասերով, մյուս երեքի նկատմամբ՝ ՔՕ տարբեր հոդվածներով։Վերոնշյալ բոլոր քրեական վարույթներով նախաքննությունը շարունակվում է։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվեցին սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:ՀՀ վարչապետի աշխատակազմը հայտարարեց, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ էին անում Հայաստան-Վրաստան միջպետական ճանապարհին` դեմ արտահայտվելով սահմանազատման այն տարբերակին, որը համաձայնեցրել են Երևանն ու Բաքուն։Սահմանազատման դեմ պայքարողները Տավուշի թեմի առաջնորդ Բագրատ արքեպիսկոպոս Գալստանյանի գլխավորությամբ Կիրանցից քայլերթով գալիս են Երևան` միակողմանի սահմանազատման գործընթացը կասեցնելու նպատակով։ Նրանք նախատեսում են Երևան հասնել մայիսի 9-ին։Մայիսի 9-ին` ժամը 16:00-ին, հանրահավաք է նախատեսված Երևանի Հանրապետության հրապարակում։

2024

Լուրեր

am_HY

հայաստան, տավուշ, կալանք, հհ քննչական կոմիտե