ԵՐԵՎԱՆ, 3 օգոստոսի– Sputnik. Ռուս օգտատերերին զվարճացրել են երկու «ազնիվ գոլերը», որոնք խփվել են Հայաստանի ֆուտբոլի առաջնության շրջանակում Գյումրու «Շիրակ» ակումբի և Կապանի «Գանձասար» ակումբների միջև կայացած հանդիպման ժամանակ։
Նախօրեին տեղի ունեցած` առաջին փուլի հանդիպման ժամանակ «Գանձասար» ակումբի ֆուտբոլիստ Տիգրան Բարսեղյանը, գնդակը մտցնելով խաղի մեջ և ազնիվ խաղի ոգով նետելով այն դաշտի տերերի դարպասի կողմը, պատահաբար այն ուղարկում է դարպասն ու բացում խաղի հաշիվը։
Ծագած վեճերից հետո ակումբները որոշեցին շտկել ստեղծված իրավիճակը նույն «ազնիվ խաղի» ոճով։ «Գանձասար» ակումբի դարպասապահ Արսեն Պետրոսյանն անկյունայինի խաղարկումից հետո գնդակը գլորեց սեփական թիմի դարպասը։
«Շիրակ» ակումբը հաղթեց խաղի 82–րդ րոպեին Ժան–Ժակ Բուգուիի խփած գոլի արդյունքում։
Sports.ru–ում հրապարակված այս տեղեկատվությունը բուռն քննարկումներ է առաջացրել։ Նման դեպքերում անխուսափելի «կծու» խոսքերից բացի, եղան նաև գործնական նկատողություններ, որոնք ոչ պակաս ծիծաղելի են
Ընթերցողները չէին հասկացել, թե ինչու էր նշանակվել անկյունային և ինչու խաղում հավասարակշռություն մտցրեց հենց դարպասապահը։
«Շեղ հարվածից հետո անկյունային չեն նշանակում», – գրել է ֆուտբոլասերներից մեկը։
«Խղճով են վարվել, մեկ այլ գործ է, երբ խառը զգացմունքներ ունեցող դարպասապահը, միգուցե, ինքնագոլ է խփել», – կարեկցանքով ավելացրել է մեկ այլ ֆուտբոլասեր։
«Մի բան չհասկացա. ինչու հենց դարպասապահը պետք է ինքնագոլ խփեր։ Նվաստացման եղանա՞կ է, ինչ է», – տարակուսանքով գրել է կայքի ընթերցողներից մեկը։
«Երբ դաշտում խաղացողները չեն կարողանում, օգնության է գալիս դարպասապահը», – պատասխանել են նրան։
Օգտատերերին զվարճացրել են Հայաստանի ֆուտբոլի առաջնությունում գրանցված հետաքրքրաշարժ գոլերը. տեսանյութ
15:03 03.08.2015 (Թարմացված է: 14:47 07.09.2019)
© Страница FBКурьезный матч Гандзасар-Ширак
Բաժանորդագրվել
Sports.ru–ում հրապարակված այս տեղեկատվությունը բուռն քննարկումներ է առաջացրել։ Նման դեպքերում անխուսափելի «կծու» խոսքերից բացի, այս դեպքում եղան նաև գործնական նկատողություններ, որոնք ոչ պակաս ծիծաղելի են