ԵՐԵՎԱՆ, 6 դեկտեմբերի– Sputnik. Երևանում անվանի ռուս ռեփեր Տիմատիի համերգը վառ իրադարձություն է սահմանադրական բարեփոխումների հանրաքվեի, ընդդիմության երթի և քաղաքական թեժ կրքերի ֆոնին։
Երգչի երկրպագուներն անհամբեր սպասում էին նրա երևանյան համերգին։ Մի քանի օրում համերգի բոլոր տոմսերը վաճառվել են, զարմանալի է, բայց առաջինը վաճառվել են ամենաթանկ տոմսերը։
Երաժիշտը ելույթ է ունենում Black Star mafia խմբից L'One ռեփերի հետ։ Հայ երկրպագուներից բացի, Տիմատիի համերգին եղել են նաև հյուրեր արտերկրից։
Տիմատին համերգից ժամեր առաջ տեսանյութ է թողարկել, թե ինչպես է գալիս Երևան։ Այն Ֆեյսբուքում դիտել և «լայք» է դրել ավելի քան 5 հազար օգտատեր։
Հավանաբար ոգեշչնվելով հայկական դրական մեկնաբանություններից` ռեփերը որոշել է ևս մեկ տեսանյութ ներկայացնել Կասկադից` երկրպագուներին ողջունելով հայերեն. “Barev dzez, Yerevan! Spasymem dzez hamergin” («Բարև, Երևա՛ն։ Սպասում եմ ձեզ համերգին»)։
Տիմատիի հայ երկրպագուներն անմիջապես ողջունել են երաժշտին ջերմ խոսքերով։
