ԵՐԵՎԱՆ, 3 փետրվարի-Sputnik. 2015 թվականին Հայաստան է այցելել 1.192.120 միջազգային զբոսաշրջիկ` 1 տոկոսով պակաս, քան 2014 թվականին, այս մասին հայտնում է Հայաստանի էկոնոմիկայի նախարարությունը։
Նախորդ տարվա 9 ամսվա տվյալով` Ռուսաստանից Հայաստան այցելած զբոսաշրջիկների թիվը 2014 թվականի նույն ժամանակահատվածի համեմատ նվազել է 31 տոկոսով։ Էկոնոմիկայի նախարարությունում դա պայմանավորում են տարածաշրջանային տնտեսական խնդիրներով։
Այնուամենայնիվ, դեպի Հայաստան զբոսաշրջիկների մեծ մասը Ռուսաստանից են։ ՌԴ-ին հաջորդում են Վրաստանը, ԱՄԷ-ն, Կանադան, Իրանը, Իրաքն ու ԱՄՆ-ը։
